“Mən çox məyusam. Fransa millisinin oyununa faciədən başqa ad vermək olmaz”. Apasport.az saytının məlumatına görə, bu sözləri dünya çempionatında Meksikaya 0:2 hesabı ilə məğlub olduqdan sonra Fransa yığma komandasının kapitanı Patris Evra deyib.

Qrup mərhələsində növbəti dəfə xal itkisi ilə üzləşdikləri üçün “Mançester Yunayted”in müdafiəçisi hətta futbol barədə fikirləşmək istəmədiyini bildirib: “Düşünəndə ki, biz dünya çempionatının qrup mərhələsində mübarizəni dayandıracağıq, futbolla bağlı hər şeyi unutmaq istəyirəm. Meksika ilə oyunda buraxılan ilk qoldan sonra qələbə qazanacağımızı gözləyirdim. Lakin rəqibin vurduğu ikinci qol bizi məhv etdi. Artıq bizim növbəti mərhələyə yüksəlməyimiz möcüzə sayəsində baş verə bilər”.

• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub