Mundialın het-trikləri: Azərbaycanlı hakimdən Qonzalo İquainə qədər

18.06.2010 - 14:43

Argentina yığmasının hücumçusu Qonzalo İquain dünya çempionatları (DÇ) tarixində 42-ci het-triki reallaşdırdı. Apasport.az saytının məlumatına görə, hazırkı mundialın ilk het-trikini görmək üçün 2-ci turu gözləmək lazım gəldi. Ötən mövsüm Madridin “Real” klubunun bombardiri olan İquain Cənubi Koreya yığmasının qapısına üç qol vurmaqla, böyük hesablı qələbədə (4:1) əsas pay sahibi oldu. Özü də 23 yaşlı hücumçu mundialda debüt edir və het-trikə qədər qol hesabını açmamışdı.

Maraqlıdır ki, İtaliya yığmasının qalibi olduğu son DÇ-də (2006) hetr-trik qeydə alınmamışdı. Ancaq həmin turnirin bombardiri olan almaniyalı hücumçu Miroslav Kloze də het-trik edənlər siyahısındadır. O da buna mundialda debüt etdiyi zaman (DÇ-2002) nail olub. Digər maraqlı məqam odur ki, het-trik edən futbolçular Qonzalo kimi Cənubi Koreya ilə görüşdə ən çox buna nail olur - 4 dəfə. İki dəfə dünya çempionu olan braziliyalı hücumçu Ronaldo 1930-cu ildən keçirilən mundial tarixində hamıdan çox qol vursa (15) da, heç vaxt het-trik etməməyi diqqəti çəkir. Əvəzində əfsanəvi almaniyalı bombardir Herd Müllerlə argentinalı hücumçu Qabriel Batistuta iki dəfə het-trik etməyi bacarıb. Batistuta ardıcıl iki mundialda buna nail olubsa, Müller üç gündə keçirilən dalbadal iki oyunda fərqlənib. Qabriel 11 dəqiqəyə üç qol vursa da, bu, rekord deyil.

Rekord 7 dəqiqəyə het-trik edən macar hücumçu Laslo Kişşə məxsusdur. O, DÇ tarixində ən böyük hesablı qələbələrdən olan Macarıstan – Salvador (DÇ-82, 10:1) oyununda 69-76-cı dəqiqələrdə üç qol vurub.

Mundialda het-trik edənlər sırasında olan ingilis Ceff Herst buna görə daha çox azərbaycanlı hakim Tofiq Bəhramova minnətdar olmalıdır. Axı məşhur hakimimiz İngiltərə və Almaniya yığmaları arasında 1966-cı ildə keçirilən final oyununda (4:2) Herstin əlavə vaxtda vurduğu, indiyə kimi düzgün olub-olmamağı ilə bağlı müzakirə olunan qolu saymasaydı, o, tarixə düşməyəcəkdi.

Dünya çempionatlarının bütün hetr-trikləri

Tarix	Mərhələ	Futbolçu	Oyun	Hetr-triklər
17.07.1930	Qrup mərhələsi	Bert Patenod ABŞ	Paraqvay - 3:0	10 (1:0), 15 (2:0), 50 (3:0)
19.07.1930	Qrup mərhələsi	Gilyermo Stabile Arqentina	Meksika - 6:3	8 (1:0), 17 (3:0), 80 (6:3)
27.07.1930	1/2 final	Pedro Sea Uruqvay	Yuqoslaviya - 6:1	18 (1:1), 67 (5:1), 72 (6:1)
27.05.1934	1/8 final	Edmund Konen Almaniya	Belçika - 5:2	66 (3:2), 70 (4:2), 87 (5:2)
27.05.1934	1/8 final	Anjelo Skyaviyo İtaliya	ABŞ - 7:1	18 (1:0), 29 (3:0), 64 (5:1)
03.06.1934	1/2 final	Oldric Needlı Çexoslovakiya	Almaniya - 3:1	21 (1:0), 69 (2:1), 80 (3:1)
05.06.1938	1/8 final	Leonidas Braziliya	Polşa - 6:5 əlavə vaxt	18 (1:0), 93 (5:4), 104 (6:4)
12.06.1938	1/4 final	Qustav Vetterstrem İsveç	Kuba - 8:0	32 (2:0), 37 (3:0), 44 (4:0)
12.06.1938	1/4 final	Tore Keller İsveç	Kuba - 8:0	9 (1:0), 80 (5:0), 81 (6:0)
16.06.1938	1/2 finala	Dyula Jenqeller Macarıstan	İsveç - 5:1	19 (1:1), 39 (3:1), 85 (5:1)
02.07.1950	1-ci qrup mərhələsi	Oskar Miqes Uruqvay	Boliviya - 8:0	14 (1:0), 45 (4:0), 56 (5:0)
17.06.1954	Qrup mərhələsi	Şandor Koçiş Macarıstan	Cənubi Koreya - 9:0	24 (3:0), 36 (4:0), 50 (5:0)
19.06.1954	Qrup mərhələsi	Karlos Borxes Uruqvay	Şotlandiya - 7:0	17 (1:0), 47 (3:0), 57 (5:0)
19.06.1954	Qrup mərhələsi	Erix Probst Avstriya	Çexoslovakiya - 5:0	4 (2:0), 21 (3:0), 24 (4:0)
20.06.1954	Qrup mərhələsi	Sərgin Burxan Turkiyə	Cənubi Koreya - 7:0	37 (4:0), 64 (5:0), 70 (6:0)
23.06.1954	Qrup mərhələsi	Maks Morlok AFR	Türkiyə - 7:2	30 (3:1), 60 (4:1), 77 (6:1)
26.06.1954	1/4 final	Teodor Vaqner Avstriya	İsveçrə - 7:5	25 (1:3), 27 (3:3), 53 (6:4)
26.06.1954	1/4 final	Zepp Hyuqi İsveçrə	Avstriya - 5:7	17 (2:0), 19 (3:0), 58 (5:6)
08.06.1958	Qrup mərhələsi	Jüst Fonten Fransa	Paraqvay - 7:3	24 (1:1), 30 (2:1), 67 (5:3)
24.06.1958	1/2 final	Pele Braziliya	Fransa - 5:2	52 (3:1), 64 (4:1), 75 (5:1)
03.06.1962	Qrup mərhələsi	Florian Albert Macarıstan	Bolqarıstan - 6:1	1 (1:0), 6 (2:0), 53 (5:0)
30.07.1966	Final	Ceff Herst İngiltərə	Almaniya - 4:2 əlavə vaxt	18 (1:1), 101 (3:2), 120 (4:2)
07.06.1970	Qrup mərhələsi	Herd Müller AFR	Bolqarıstan - 5:2	27 (2:1), 52 (3:1), 88 (5:1)
10.06.1970	Qrup mərhələsi	Herd Müller AFR	Peru - 3:1	19 (1:0), 26 (2:0), 39 (3:0)
18.06.1974	1-ci qrup mərhələsi	Duşan Bayeviç Yuqoslaviya	Zair - 9:0	8 (1:0), 30 (5:0), 81 (9:0)
19.06.1974	1-ci qrup mərhələsi	Ancey Şarmax Polşa	Haiti - 7:0	30 (3:0), 34 (5:0), 50 (6:0)
03.06.1978	1-ci qrup mərhələsi	Rob Rensenbrink Holalndiya	İran - 3:0	40 (1:0), 62 (2:0), 79 (3:0)
11.06.1978	1-ci qrup mərhələsi	Teofilo Kubilyas Peru	İran - 4:1	36 (2:0), 39 (3:0), 79 (4:1)
15.06.1982	1-ci qrup mərhələsi	Laslo Kişş Macarıstan	Salvador - 10:1	69 (6:1), 72 (7:1), 76 (9:1)
20.06.1982	1-ci qrup mərhələsi	Karl-Haynts Rummenigge AFR	Çili - 4:1	9 (1:0), 57 (2:0), 66 (3:0)
28.06.1982	2-ci qrup mərhələsi	Zbiqnev Bonek Polşa	Belçika - 3:0	4 (1:0), 26 (2:0), 53 (3:0)
05.07.1982	2-ci qrup mərhələsi	Paolo Rossi İtaliya	Braziliya - 3:2	5 (1:0), 25 (2:1), 74 (3:2)
08.06.1986	Qrup mərhələsi	Preben Elkyar Larsen Danimarka	Uruqvay - 6:1	11 (1:0), 67 (4:1), 80 (5:1)
11.06.1986	Qrup mərhələsi	Harri Lineker İngiltərə	Polşa - 3:0	9 (1:0), 14 (2:0), 34 (3:0)
15.06.1986	1/8 finala	İqor Belanov SSRİ	Belçika - 3:4, əlavə vaxt	27 (1:0), 70 (2:1), 111 (3:4)
17.06.1990	Qrup mərhələsi	Miçel İspaniya	Cənubi Koreya - 3:1	22 (1:0), 61 (2:1), 81 (3:1)
23.06.1990	1/8 final	Tomaş Skuxravı Çexoslovakiya	Kosta-Rika - 4:1	12 (1:0), 63 (2:1), 82 (4:1)
21.06.1994	Qrup mərhələsi	Qabriel Batistuta Arqentina	Yunanıstan - 4:0	2 (1:0), 44 (2:0), 89 (4:0)
21.06.1998	Qrup mərhələsi	Qabriel Batistuta Arqentina	Yamayka - 5:0	72 (3:0), 80 (4:0), 83 (5:0)
01.06.2002	Qrup mərhələsi	Miroslav Kloze Almaniya	Səudiyyə Ərəbistanı - 8:0	20 (1:0), 25 (2:0), 70 (5:0)
10.06.2002	Qrup mərhələsi	Pauleta Portuqaliya	Polşa - 4:0	14 (1:0), 65 (2:0), 77 (3:0)
17.06.2010	Qrup mərhələsi	Qonzalo İquain Arqentina	Cənubi Koreya - 4:1	33 (2:0), 76 (3:1), 80 (4:1)