Braziliya milli komandasının futbolçusu Luis Fabiano dünya çempionatında Fildişi Sahili yığmasının qapısına ikinci qolu vurarkən, əllə oynadığını etiraf edib. Lent.az-ın “Goal.com”a istinadən verdiyi məlumata görə, Fabiano rəqibin cərimə meydançasında ötürməni qəbul etdiyi vaxt topun əlinə dəydiyini açıqlayıb.

Lakin o, əllə bilərəkdən oynamadığını, bu səbəbdən, fransalı baş hakim Stefan Lannuanın qolu hesaba almaqla düzgün qərar qəbul etdiyini bildirib. Fabiano 6 oyunluq fasilədən sonra millidə fərqləndiyi üçün çox sevindiyini əlavə edib. Hücumçu mundialda müəyyən sayda qol vurmağı və bombardir olmağı qarşısına məqsəd qoymadığını da vurğulayıb.

Qeyd edək ki, Fildişi sahili millisi üzərində 3:1 hesablı qələbə sayəsində Braziliya yığması G qrupundan 1/8 finala vəsiqəni təmin edib. İyunun 25-də pentakampeonlar Portuqaliya ilə üz-üzə gələcəklər.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb