Azərbaycan Olimpiya Komitəsinin təşkilatçılığı ilə ənənəvi keçirilən “Qaçış Günü” məkanını dəyişib. Apasport.az saytının məlumatına görə, hər il Dənizkənarı Parkda baş tutan beynəlxalq tədbir bu dəfə Tofiq Bəhramov adına Respublika stadionunda təşkil ediləcək.

İyunun 23-də olacaq “Qaçış Günü”ndə müxtəlif məsafələrə qaçış üzrə kütləvi yarışlar keçiriləcək. Beynəlxalq Olimpiya Komitəsinin xartiyasına görə, bu tədbirə hər bir ölkə böyük önəm verir. Belə ki, “Qaçış Günü”nün təşkil edilməsində əsas məqsəd Olimpiya Hərəkatına dəstək vermək, olimpizmi təbliğ etmək, Olimpiya ideallarının dünyada vacib və əhəmiyyətli rolunu göstərməkdir.

Tədbirdən sonra saat 16:00-da Milli Olimpiya Komitəsinin inzibati binasında bu tədbirə həsr olunmuş yekun iclas keçiriləcəkdir.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb