Beynəlxalq Şahmat Federasiyası (FİDE) iyul üçün reytinq cədvəlini açıqlayıb. Apasport.az saytının məlumatına görə, yeni siyahıda Azərbaycan şahmatçılarından Teymur Rəcəbov və Rauf Məmmədov mövqelərini yaxşılaşdırıblar.

Belə ki, son cədvəldə 13-cü olan Rəcəbov (2748) 3 pillə irəliləyərək, ilk “onluğ”u qapayır. Məmmədov isə 5 rəqibini qabaqlayaraq, 2660 xalla 80-ci yerə yüksəlib.

Digər şahmatçılarımızdan Şəhriyar Məmmədyarov (2761) 6-cı pillədəki yerini qoruyub. Ondan fərqli, Vüqar Həşimov (2719) geriləyib. Son siyahıda 17-ci olan qrossmeysterimiz 26-cı yerə enib.

Reytinq cədvəlinə əvvəlki kimi norveçli Maqnus Karlsen başçılıq edir. 2-ci yer Veselin Topalova (2803), 3-cü yer isə Vişvanatan Ananda (2800) məxsusdur.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO