Dünya çempionatının final mərhələsinin ən məhsuldar futbolçularının siyahısında dəyişiklik baş verib. Apasport.az saytının məlumatına görə, İspaniya milli komandasının futbolçusu David Vilya mundialın bombardirləri sırasında vahid liderliyə yüksəlib.

O, Paraqvay yığması ilə 1/4 final oyununda kjomandasına qələbə gətirən qola imza atmaqla özünün 5-ci qolunu vurub. Son Avropa çempionatının ən məhsuldar futbolçusu olmuş Vilya bu matçadək onunla şərikli liderlik edən 5 rəqibini arxada qoyub.

Belə ki, Uesli Sneyder (Hollandiya), Tomas Müller, Miroslav Kloze (hər ikisi Almaniya), Robert Vittek (Slovakiya), Qonsalo İquain (Argentina) hərəyə 4 qol vurublar. Onlardan ikisi – Qonsalo ilə Robert komandaları artıq mübarizəni dayandırdığından qol sayını artıra bilməyəcəklər. Digər 3 hücumçu isə Vilyanı izləməkdə davam edirlər.

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib