İspaniyada keçirilən atletika üzrə Avropa çempionatının qalibləri müəyyənləşib. Apasport.az saytının məlumatına görə, yarışda 5 atletlə qüvvəsini sınayan Azərbaycan yığma komandasının qazancı 1 bürünc medal olub.

Komandamızda kişilər arasında 5000 metr məsafəyə qaçışda Hayle İbrahimov fəxri kürsünün üçüncü pilləsinə yüksəlib. Milliləşdirilmış legionerimiz bu məsafəni 13:34,15 dəqiqəyə qaçıb.

Qadınlar arasında 3000 metr məsafəyə qaçışda finala yüksələn Layeş Abdullayeva isə (9:34,75) 6-cı yerlə kifayətlənib.

Qeyd edək ki, Barselonada 50 ölkənin qatıldığı Avropa çempionatında Azərbaycan yığması komanda hesabında 25-27-ci yerləri bölüşüb.

• ACES Europe prezidenti: “Bakı dünyanın ən vacib şəhərlərindən biridir”
• Elnur Məmmədov: “Dünya İdman Paytaxtı” seçilməsi Bakıya yeni imkanlar açır”
• Bakı “Dünya İdman Paytaxtı” elan olunub - FOTO
• Azərbaycanlı xanəndə Avropa çempionu olub
• Azərbaycanlı məşqçi faciəvi şəkildə vəfat edib