Dağıstanda yeniyetmələr və böyüklər arasında keçirilən beynəlxalq boks turniri başa çatıb. Apasport.az saytının məlumatına görə, yarışda iştirak edən Azərbaycan yığma komandası vətənə 4 medalla qayıdıb.

Belə ki, yeniyetmələrin mübarizəsində bütün rəqiblərinə qalib gələn Kənan Hüseynəliyev (48 kq) çempion adına layiq görülüb. Yarımfinalda məğlub olan Elvin Mirzəbəyli (54 kq) isə bürünc medalla kifayətlənib.

Komandamız böyüklərin yarışında da 2 medala sahib olub. Boksçularımızdan Elvin İsayev (60 kq) və Kamran Mehdiyev (81 kq) fəxri kürsünün üçüncü pilləsinə yüksəlib.

Qeyd edək ki, Dağıstanda həmçinin Sinqapur-2010-a yollanacaq idmançılarımız da qüvvələrini sınayıblar. Onlar yerli yığma ilə keçirilən yoldaşlıq döyüşündə bütün görüşlərini qələbə ilə başa vurublar.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”