Azərbaycanın sprinter qaçışı üzrə milli komandasının üzvləri Ülvi Şıxəliyevlə Alyona Setina gərgin məşqdən sonra yorğunluqlarını qeyri-adi formada çıxarıblar. Atletlərimiz dodaq-dodağa öpüşərkən Lent.az-ın fotomüxbirinin kameralarına tuş gəliblər.

Bu ilin sentyabrında Gürcüstanda təşkil olunacaq beynəlxalq turnirə hazırlaşan sprinterlərimiz Tofiq Bəhramov adına Respublika stadionda təlim-məşq toplantısı keçiriblər. Bir saatdan çox davam edən məşqin ardından Setina “şpaqat” açaraq, yerə oturduğu vaxt Şıxəliyev ona yaxınlaşıb. Kişi atletimiz heç kimə əhəmiyyət vermədən qadın həmkarını ayağa qaldıraraq, qucaqlayıb və onunla dodaq-dodağa öpüşməyə başlayıb. Onlar “Qarabağ” futbol komandasının Polşanın “Visla” komandası ilə Avropa Liqasının III təsnifat mərhələsi öncəsi məşqini izləməyə gələn azarkeşlərə də əhəmiyyət verməyiblər. Bir müddət öpüşdükdən sonra Şıxəliyev Setinadan ayrılıb.

Qeyd edək ki, Ülvi Şıxəliyev 100 metr və 200 metr, Alyona Setina isə 200 metr məsafələrə qaçış növündə çıxış edirlər.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO