Avqustun 14-də Sinqapurda start götürən Yeniyetmələrin I Yay Olimpiya Oyunları davam edir. Apasport.az saytının məlumatına görə, Azərbaycan idmançılarından bu gün mübarizəyə taekvondoçumuz Səbuhi İsmayılzadə (73 kq) qoşulub. Təəssüf ki, həmyerlimizin ilk cəhdi uğurlu alınmayıb. O, birinci görüşdə surinamlı Toş Van Dijkə 6:7 hesabı ilə uduzub.

Qeyd edək ki, Olimpiadanın ilk 3 günündə yığmamız qazandığı 5 qızıl və 1 gümüş medalla komanda hesabında 3-cü yerdədir. Təmsilçilərimizdən Murad Bazarov (42 kq), Elman Muxtarov (52 kq), Patimat Baqometova (52 kq), Nicat Rəhimov (69 kq), Əli Maqomedabirov (100 kq) qızıl, Kənan Quliyev (54 kq) gümüş medala yiyələniblər.

Yarışda iştirak edən 205 ölkədən Azərbaycanı yalnız Çin və Rusiya qabaqlayır.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO