Azərbaycan milli komandasının Avro-2012-nin seçmə mərhələsindəki ilk rəqibi Almaniya yığması daha bir itki ilə üzləşib. Apasport.az saytının məlumatına görə, Bundestimin təcrübəli futbolçularından olan Marsel Yansen zədələnərək yığmanın düşərgəsini tərk edib. O, sentyabrın 7-də Kölndə baş tutacaq matçda millimizə qarşı oynaya bilməyəcək.

36 dəfə milli forma geyən Marsel Almaniya yığmasının Belçika ilə sentyabrın 4-də keçirilən qarşılaşmasında xəsarət alıb. Həmin matçda dizindən zədələnərək meydanı tərk etmək məcburiyyətində qalan müdafiəçinin müayinəsi onun ən azı iki gün təlim-məşq toplanışından kənar qalmalı olduğunu üzə çıxarıb. Bunu görən baş məşqçi Yoahim Löv onun Brüsseldən Kölnə aparılmasını lazım bilməyib. Belə ki, Hamburqa göndərilən futbolçunu orda növbəti maqnit müayinəsi gözləyir.

Qeyd edək ki, Almaniya və Azərbaycan yığmaları arasında sentyabrın 7-də Kölndə keçiriləcək oyun Bakı vaxtı ilə saat 23:45-də başlayacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”