“Hiss edirəm ki, milli komandamız Almaniyaya qarşı yaxşı oynayacaq”
06.09.2010 - 15:24
“Mən durub deyə bilmərəm ki, səfərdə Almaniya yığmasına qalib gələcəyik. Ancaq sabah Köln şəhərindəki görüşdə milli komandamızdan yaxşı oyun gözləyirəm. Çünki millimizin son oyunları, 21 yaşlılardan yığmamızın izlədiyim Albaniya üzərində qələbə qazandığı rəsmi oyun gələcəyə nikbin baxmağa əsas verir”. Bu fikirləri apasport.az saytına açıqlamasında “Xəzər Lənkəran” klubunun sabiq məşqçisi Tofiq Mustafayev deyib.
Avro-2012-nin seçmə mərhələsinə sabah Almaniya yığması ilə çətin səfər oyunu ilə başlayacaq milli komandamızın oyunu mütəxəssislərimizin də diqqət mərkəzində olacaq. “Neftçi” və “Xəzər Lənkəran”da baş məşqçi Ağasəlim Mircavadovun əsas köməkçisi olmuş Mustafayev almaniyalı həmkarı Berti Foqtsun rolunu qeyd edir: “Azərbaycan yığması Avropa futbolundakı sürətə yaxınlaşır. Bunda millimizin baş məşqçisi Berti Foqtsun böyük əməyi var. Mən bunu həmişə qiymətləndirmişəm. Artıq biz yaxşı, sürətli oyun göstəririk. Nəticəyə gəlincə, mən heç vaxt proqnoz vermirəm. Ancaq hiss edirəm ki, Almaniyada yığmamızın ifasında yaxşı oyunun şahidi olacağıq. Bütün komandalar meydanda mübarizə aparırlar. Sadəcə, ustalıq səviyyəsi böyük olanlar qalib gəlir”.
Almaniya yığmasının bombardiri Miroslav Kloze indiyə kimi üç qol vurduğu yığmamıza oyunun hətta Argentina və İngiltərədən çətin olacağını bəyan edib. “Xəzər Lənkəran”ın sabiq məşqçisi güclü yığmaların zəiflərlə oyunda motivasiya ilə bağlı probleminin olması fikri ilə razılaşır: “Burada əsas söhbət motivasiyadan gedir. Avropada reytinqi aşağı olan komandalar güclülərə qarşı yaxşı oynayıb, hətta nəticə də qazanırlar. Bizi çətin sınaq gözləsə də, yığmamızdan yaxşı oyun gözləyirəm. İstənilən halda Almaniya yığmasında yüksək ustalıq səviyyəsinə malik peşəkar futbolçular cəmləşib və onlar meydana yalnız qələbə qazanmaq üçün çıxacaq”.
Mustafayev almanlarda görüşdə mövqe futboluna əsas diqqət yetirməyin vacibliyini qeyd edir: “Müasir futbolunda mövqe futbolundan çox şey asılıdır. Təəssüf ki, bizdə bu baxımdan problem var. Bu, mənim şəxsi fikrimdir. Fiziki hazırlıqda rəqiblərlə başabaş olsaq da, mövqe futbolunda uduzuruq”.
Mehman SÜLEYMANOV
Avro-2012-nin seçmə mərhələsinə sabah Almaniya yığması ilə çətin səfər oyunu ilə başlayacaq milli komandamızın oyunu mütəxəssislərimizin də diqqət mərkəzində olacaq. “Neftçi” və “Xəzər Lənkəran”da baş məşqçi Ağasəlim Mircavadovun əsas köməkçisi olmuş Mustafayev almaniyalı həmkarı Berti Foqtsun rolunu qeyd edir: “Azərbaycan yığması Avropa futbolundakı sürətə yaxınlaşır. Bunda millimizin baş məşqçisi Berti Foqtsun böyük əməyi var. Mən bunu həmişə qiymətləndirmişəm. Artıq biz yaxşı, sürətli oyun göstəririk. Nəticəyə gəlincə, mən heç vaxt proqnoz vermirəm. Ancaq hiss edirəm ki, Almaniyada yığmamızın ifasında yaxşı oyunun şahidi olacağıq. Bütün komandalar meydanda mübarizə aparırlar. Sadəcə, ustalıq səviyyəsi böyük olanlar qalib gəlir”.
Almaniya yığmasının bombardiri Miroslav Kloze indiyə kimi üç qol vurduğu yığmamıza oyunun hətta Argentina və İngiltərədən çətin olacağını bəyan edib. “Xəzər Lənkəran”ın sabiq məşqçisi güclü yığmaların zəiflərlə oyunda motivasiya ilə bağlı probleminin olması fikri ilə razılaşır: “Burada əsas söhbət motivasiyadan gedir. Avropada reytinqi aşağı olan komandalar güclülərə qarşı yaxşı oynayıb, hətta nəticə də qazanırlar. Bizi çətin sınaq gözləsə də, yığmamızdan yaxşı oyun gözləyirəm. İstənilən halda Almaniya yığmasında yüksək ustalıq səviyyəsinə malik peşəkar futbolçular cəmləşib və onlar meydana yalnız qələbə qazanmaq üçün çıxacaq”.
Mustafayev almanlarda görüşdə mövqe futboluna əsas diqqət yetirməyin vacibliyini qeyd edir: “Müasir futbolunda mövqe futbolundan çox şey asılıdır. Təəssüf ki, bizdə bu baxımdan problem var. Bu, mənim şəxsi fikrimdir. Fiziki hazırlıqda rəqiblərlə başabaş olsaq da, mövqe futbolunda uduzuruq”.
Mehman SÜLEYMANOV
0
0
Oxşar xəbərlər
Ana səhifə
Bütün xəbərlər
Hesabım