Bolqarıstanın Sofiya şəhərində keçiriləcək gənclər arasında cüdo üzrə Avropa çempionatında mübarizə aparacaq Azərbaycan yığmasının heyəti müəyyənləşib.

Azərbaycan Cüdo Federasiyasından apasport.az saytına verilən məlumata görə, sentyabrın 17-19 tarixlərində baş tutacaq yarışda məşqçilər Fərhad Məmmədov və Azər Şıxəliyevin rəhbərliyi altında 8 cüdoçumuz mübarizəyə qatılacaq.

Oğlanların yarışında Azərbaycanın idman şərəfini Elsəvər Sadıqzadə (55 kq), Vüqar Şirinli (60 kq), Rüstəm Orucov (66 kq), Sərxan Əhmədov (73 kq), Tural Səfquliyev (81 kq), Şahin Qəhrəmanov (90 kq) və Fərid Babayev (+100 kq) qoruyacaqlar. Qızların mübarizəsində isə yeganə təmsilçimiz Xanım Hüseynova (57 kq) qüvvəsini sınayacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”