Avro-2012-nin seçmə mərhələsində Azərbaycan yığması ilə eyni qrupda yer alan Türkiyə milli komandasının futbolçusu Tuncay Şanlı azarkeşlərə söz verib. Apasport.az saytının məlumatına görə, “ay-ulduzlu” formanı geyinən yarımmüdafiəçi Avropa çempionatının final mərhələsinə yüksələcəklərini bildirib.

Belçikaya qarşı gözlənilən oyunu nümayiş etdirə bilməyən Şanlı növbəti görüşlərdə bunun əvəzini çıxmaq istəyir: “Əsas qələbə qazanmaq idi ki, bunu da bacardıq. Amma bu görüşdə oyunumu bəyənmədim. Həmin vaxt şans məndən üz döndərmişdi. Növbəti oyunlarda isə bunun əvəzini çıxacağıma əminəm. Çünki Almaniya və Azərbaycanla görüşlərdə komandamızı yalnız qələbə qane edəcək. Bizim ilk hədəfimiz final mərhələsinə yüksəlməkdir. Bunun üçün isə gücümüz var”.

Qeyd edək ki, Türkiyə yığması Avro-2012-nin seçmə mərhələsində keçirdiyi hər 2 oyunu qələbə ilə başa vurub.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb