Tanınmış rusiyalı qapıçı Venyamin Mandrıkin Azərbaycana gələcək. Apasport.az saytının məlumatına görə, hazırda Rusiya çempionatının I divizionunda Bryansk “Dinamo”sunda oynayan təcrübəli futbolçu yığmamızın Avro-2012-də rəqibi olan Qazaxıstan yığmasının şərəfini qoruyacaq. Mandrıkin bu məqsədlə yaxın vaxtda Qazaxıstanın vətəndaşlığını qəbul edəcək. Venyamin beynəlxalq arenada oynamaq üçün bu addımı atmağa hazırdır. Moskva MOİK-ində çıxışı ilə tanınan qapıçı Rusiya yığmasına çağırılsa da, orada oynamayıb. Son vaxtlar isə Mandrıkin hətta namizəd kimi baxılmayıb. İndi 29 yaşlı qapıçı milliləşdirilməyə hazırlaşır və başqa ölkəni təmsil edəcək. Belə olan halda, Venyamin gələn il yığmamızla oyunlarda iştirak edəcək.

Qeyd edək ki, rusiyalı futbolçular Aleksey Popovla Kazbek Qeterqiyevlə yaxında bu addımı ataraq, Qazaxıstan yığmasının heyətinə cəlb olundular.

• "Qarabağa veloyürüş – Zəfərin izi ilə" layihəsi həyata keçirilib
• AMADA 2025-ci ilin 10 ayında 27 idmançının məkan məlumatı pozuntusunu açıqlayıb
• AMADA: Son 8 ildə ən çox dopinq sanksiyası tətbiq edilən idman növləri açıqlanıb
• AMADA-nın icraçı direktoru: "Builki konfrans Konstitusiya və Suverenlik ilinə həsr olunub"
• AMADA 2025-ci ilin ilk doqquz ayında 649 dopinq testi keçirib