“Bəzi çəkilərdə problemlərimiz var. Bu da yığmamızın təmsil olunmadığı ağır çəkilərdir”. Apasport.az saytının məlumatına görə, bu sözləri Güləş Federasiyasının vitse-prezidenti Elçin Cəfərov deyib.

Bu gün Moskvada keçirilən dünya çempionatının yekunlarına həsr olunmuş mətbuat konfransında Cəfərov bildirib ki, ağır çəkilərdə yerli güləşçilərin olmaması ilə bağlı problemi aradan qaldırmaq üçün yeni məşqçilər korpusu yaradılacaq: “Yığmamızda ağır çəkili güləşçilərlə bağlı müəyyən müddətdir problemlər var. Bunu aradan qaldırmaq üçün yeni məşqçilər korpusu yaradacağıq. Ağır çəkili pəhləvanların hazırlanmasında məhz bu çalışdırıcılar cavabdehlik daşıyacaqlar. Məşqçi isə əcnəbi deyil, yerli olacaq”.

• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib