AVRO-2012-nin seçmə mərhələsindəki növbəti oyunlarını oktyabrda keçirəcək Estoniya milli komandasının heyəti açıqlanıb. Apasport.az saytının məlumatına görə, yığmanın baş məşqçisi Tarmo Ruutli Bakının “İnter” klubunun şərəfini qoruyan legioneri də qarşıdakı görüşlərə dəvət edib. 26 yaşlı sol cinah oyunçusu oktyabrın 8-də Belqradda Serbiya, 4 gün sonra isə Tallinndə Sloveniyaya qarşı keçiriləcək görüşlərdə çıxış edə bilər.

Kruqlovla yanaşı müqavilə ilə hələ də “Xəzər Lənkəran”a məxsus olan Tihon Şişov da yığmaya çağırılıb. Artıq ölkəmizi tərk edən müdafiəçi transfer vərəqini ala bilmədiyi üçün o, Estoniya Futbol Federasiyasının rəsmi internet saytında məhz təmsilçimizin futbolçusu kimi göstərilib.

Qeyd edək ki, Dmitri indiyədək yığmada keçirdiyi 55 oyunda 1 qol vurub.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”