Rusiyanın baş naziri Vladimir Putinə Cənubi Koreyanın Yonnan Universitetinin “Cüdo sahəsində doktor” fəxri diplomu təqdim olunub. Lent.az-ın məlumatına görə, təqdimetmə mərasimində universitetin direktorlar şurasının sədri Hak Li diploma 1 qeydiyyat nömrəsinin həkk edildiyini bildirib.

Baş nazirə cüdo ilə məşğuliyyət üçün kimono da verilib. Kimononun üzərində bu növ üzrə koreyalı olimpiya çempionları yazılıb, kəmərində isə Rusiya hökuməti rəhbərinin adı tikilib.

Bundan sonra Putindən 2018-ci il Qış Olimpiya Oyunlarına təşkilatçılıq uğrunda mübarizədə Cənubi Koreyanın Pxençyan şəhərinə dəstək verməsi xahiş olunub. Baş nazir isə Pxençyanı mütləq dəstəkləyəcəklərinə söz verib.

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib