Cüdo üzrə Azərbaycan yığmasının üzvləri Kifayət Qasımova (57 kq) və Ramilə Yusubovanın (63 kq) “Qalatasaray”ın heyətində debütü uğurlu alınıb. Apasport.az saytının məlumatına görə, sentyabrda “sarı-qırmızılarla” müqavilə bağlayan xanım idmançılarımız Türkiyənin klublararası çempionatının II mərhələsində qüvvələrini sınayıblar. 2 gün davam edən yarışda cüdoçularımızdan öz çəkisində 5 döyüşdə tatamiyə çıxan Qasımova bütün rəqiblərini məğlub edib. Yusubova isə 3 döyüşdə mübarizə aparıb və onların 2-də qələbə qazanıb.

12 komandanın qatıldığı çempionatda 2 mərhələdən sonra 24 xal toplayan “Qalatasaray” üçüncü pillədə qərarlaşıb. İlk pillənin sahibi “Kocaeli Böyükşəhər Bələdiyyə Kağıtspor”un aktivində isə 30 xalı var.

Qeyd edək ki, növbəti mərhələnin görüşləri noyabrın 27-28-də baş tutacaq. 4 mərhələdən ibarət yarışın ilk “dördlüyündə” qərarlaşacaq klublar Avropa çempionatına vəsiqə qazanacaqlar.

• Azərbaycanda keçiriləcək III MDB Oyunlarının medalları təqdim olunub
• III MDB Oyunları üçün qeydiyyatdan keçən ölkələrin və idmançıların sayı artıb
• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO