Avro-2012-nin seçmə mərhələsində növbəti oyunlar keçirilib. Apasport.az saytının məlumatına görə, Azərbaycan milli komandası da daxil olmaqla əksər yığmaların yoldaşlıq oyunu keçirdiyi vaxtda E və F qrupunda rəsmi matçlar baş tutub. Öz qrupunun aşkar autsayderləri olan və keçirdiyi bütün qarşılaşmalarda uduzan Finlandiya və San-Marino yığmaları Helsinkidə üz-üzə gəliblər ki, bu matçda da azarkeşlər qol yağışına şahid olublar. Özünə yaraşmayan tərzdə xalsız olan skandinaviyalılar aldığı 3 məğlubiyyətin əvəzini “cırtdan”lardan artıqlaması ilə çıxıblar – 8:0. Forssellin het-trik etdiyi görüşdə fin futbolunun əfsanəsi 39 yaşlı Litmanen də fərqlənib. Bu hesab isə Avro-2012-nin seçmə mərhələsinin rekordunun təkrarı olub. Belə ki, Macarıstan da San-Marinonu 8:0 hesabı ilə məğlub etmişdi.

F qrupunda isə daha bir xalsız komanda Malta səfərə çıxıb. Onlar hətta heç-heçə edəcəyi halda zirvəyə yüksələcək Xorvatiyanın qarşısında acız qalıblar. Krançarın iki qol vurduğu matçda meydan sahibləri böyük hesablı qələbə ilə qrup liderliyini ələ keçiriblər.

Avro-2012-nin seçmə mərhələsi

17 noyabr

E qrupu
Finlandiya – San-Marino – 8:0
Vayrinen, 39, Hamalaynen, 49, 67, Forssell, 51, 59, 78, Litmanen, 71-pen., Porokora, 73

1	Hollandiya	4	4	0	0	12-2	12
2	Macarıstan	4	3	0	1	12-4	9
3	İsveç	3	2	0	1	9-4	6
4	Moldova	4	2	0	2	5-3	6
5	Finlandiya	4	1	0	3	10-6	3
6	San-Marino	5	0	0	5	0-29	0

F qrupu
Xorvatiya – Malta – 3:0
Krançar. 18, 42, Kaliniç, 81

1	Xorvatiya	4	3	1	0	8-1	10
2	Yunanıstan	4	2	2	0	4-2	8
3	Gürcüstan	4	1	3	0	3-2	6
4	İsrail	4	1	1	2	5-5	4
5	Latviya	4	1	1	2	3-5	4
6	Malta	4	0	0	4	1-9	0

• Coşqun Əliyev bu gün Vətənə qayıdıb
• İslam Oyunları: İdmançılarımız 4 növdə mübarizə aparacaqlar
• Azərbaycan üzgüçülük üzrə Dünya Kubokuna ev sahibliyi edəcək
• İslam Oyunları: Təmsilçimiz yarımfinala vəsiqə qazanıb
• “Araz-Naxçıvan”ın “Benfika” ilə oyununun vaxtı müəyyənləşib