Finlandiya yığmasının kapitanı Yari Litmanen yeni rekord müəyyənləşdirib. Apasport.az saytının məlumatına görə, fin futbolunun əfsanəsi Avropa çempionatlarının tarixinə düşüb. Avro-2012-nin qrup mərhələsində San-Marinonu qəbul edən finlandiyalıların heyətində Litmanen 39 yaş 270 günlüyündə fərqlənib. Veteran hücumçu 8:0 hesabı ilə bitən matçda penalti zərbəsindən komandasının 6-cı qoluna imza atıb. Bununla da o Avropa çempionatlarının seçmə mərhələlərində qol vuran ən yaşlı futbolçu olub. Yariyə qədər bu rekord irlandiyalı Con Oldricə məxsus idi. O, 37 yaş 23 günlüyündə fərqlənmişdi.
Qeyd edək ki, yığmada 137 oyun keçirən Yari 32 qol vurub. 39 yaşlı veteran 7 dəfə Azərbaycan milli komandasına qarşı oynayaraq 2 qola sevinib. 3 dəfə ölkəmizə gələn Litmanen 2 dəfə Bakı, 1 dəfə Lənkəranda meydana çıxıb və paytaxtımızda 1 qol da vurub.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"