“Hələlik cəzalanmağımla bağlı ətraflı məlumatım yoxdur”. Bu sözləri apasport.az saytına açıqlamasında ağır atletika üzrə Azərbaycan yığmasının üzvü Rövşən Fətullayev deyib.

Orqanizmində istifadəsi qadağan olunmuş dərman preparatı tapılan Fətullayev 4 il müddətinə bütün yarışlardan kənarlaşdırıb. O bildirib ki, hazırda məşqlərini davam etdirir və apelyasiya şikayəti verib-verməyəcəyi Azərbaycan Ağır Atletika Federasiyasının (AAAF) prezidenti Cahangir Əsgərovla görüşdən sonra dəqiqləşəcək: “Hazırda yığmanın heyətində məşqlərimi davam etdirirəm. Diskvalifikasiya olunsam belə, həvəsdən düşməməyə çalışacağam. Formamı saxlayacağam. Yaşım da çox deyil. Karyeramı bitirmək barədə də düşünmürəm. Bunun üçün indidən gələcəklə bağlı nəsə deməyə çətinlik çəkirəm. Bütün bunlar federasiya prezidenti Cahangir Əsgərovla görüşdən sonra dəqiqləşəcək. 1-2 günə baş tutacaq söhbətdə hər şey dəqiqləşəcək”.

Fətullayev bildirib ki, digər atletimiz Zülfüqar Süleymanovla birgə diskvalifikasiyaya məruz qalsa da, ona verilən maaş kəsilməyib: “Zülfüqarın yaşı məndən çoxdur. Ola bilsin ki, bununla da karyerasını bitirsin. Komanda yoldaşıma federasiya tərəfindən verilən maaş dayandırılıb. Lakin məndə bu hal baş verməyib. Əvvəlki kimi məvacibimi alıram”.

Qeyd edək ki, Beynəlxalq Ağırlıqqaldırma Federasiyasının qərarına əsasən, Süleymanov və Fətullayev 2014-cü ilədək diskvalifikasiyaya ediliblər.

• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib