Bosniya və Herseqovinanın paytaxtı Sarayevoda 23 yaşa qədər cüdoçular arasında keçirilən Avropa çempionatına yekun vurulub. Apasport.az saytının məlumatına görə, yarışda 6 cüdoçu ilə mübarizə aparan Azərbaycan yığmasının qazancı 1 bürünc medal olub. Komandamıza yeganə medalı 60 kq çəki dərəcəsində qüvvəsini sınayan İlqar Müşkiyev qazandırıb. O, yarımfinala kimi Moldova və Finlandiya təmsilçilərinə qalib gəlsə də, finala gedən yolda rusiyalı cüdoçuya uduzub. Nəticədə təsəlliverici görüşə qatılan həmyerlimiz Andrey Klokovu (Litva) məğlub edərək fəxri kürsünün III pilləsinə qalxıb.
Qeyd edək ki, 40 ölkənin iştirak etdiyi Avropa çempionatında yığmamız komanda hesabında 18-ci yeri tutub.

• Azərbaycanın fiqurlu konkisürəni ilk dəfə Avropa çempionatında iştirak edəcək
• ARMPK nümayəndə heyəti Özbəkistan Paralimpiya Komitəsinin qonağı olub - FOTO
• Prezident İslamiadada yüksək nəticə göstərmiş idmançıların mükafatlandırılmasına 1,9 milyon manat ayırıb
• Çingiz Hüseynzadə: “Azərbaycan İslamiada tarixinin ən zəif nəticəsini göstərib”
• İslam Oyunları: Azərbaycanın qılıncoynatma komandası finala yüksəlib