Şahmat tacı uğrunda iddiaçıların görüşünün vaxtı dəqiqləşib. Apasport.az saytının məlumatına görə, FİDE yarışın 2011-ci ilin mayının 3-dən 27-dək olacağını açıqlayıb.

Az öncə FİDE prezidenti Kirsan İlyumjinova məktub göndərərək, yarışdan imtina edən norveçli Maqnus Karlsenin adı hələ iştirakçılar arasından çıxarılmayıb. Federasiya Vladimir Kramnik (Rusiya), Teymur Rəcəbov, Şəhriyar Məmmədyarov (hər ikisi Azərbaycan), Vasili Topalov (Bolqarıstan) Qata Kamski (ABŞ), Levon Aronyan (Ermənistan), Maqnus Karlsen (Norveç) və Boris Gelfanda lazımı sənədlərə imza ataraq dekabrın 22-dək katibliyə təqdim etmələrini tövsiyə edib. Bundan əlavə, FİDE bu tarixə kimi iddiaçıların görüşündə iştirakdan boyun qaçıracaq qrossmeysterlərin Aleksandr Qrişuk, Dmitri Yakovenko (hər ikisi Rusiya) və ya Van Yue (Çin) ilə əvəzlənəcəyini bildirib.

Qeyd edək ki, iddiaçıların qalibi son dünya çempionu hindistanlı Vişvanatan Anandla qarşılaşacaq.

• Yüksək Liqada təyinatlar açıqlanıb
• Azərbaycan idmançılarının yeni reytinq cədvəli bəlli olub
• Azərbaycanın buzüstü rəqs cütlüyü dünya çempionatına vəsiqə qazanıb
• İmaməddin Xəlilov Özbəkistanda keçirilən beynəlxalq festivalda çıxış edib
• Azərbaycanın fiqurlu konkisürəni ilk dəfə Avropa çempionatında iştirak edəcək