Azərbaycan yığmasının Avro-2012-nin seçmə mərhələsində rəqibi olan Qazaxıstan milli komandasının baş məşqçi postuna iki namizəd var. Apasport.az saytının məlumatına görə, rusiyalı mütəxəssis Ravil Sabitovun yaxın günlərdə rəqibimizin yeni çalışdırıcısı təyin ediləcəyi gözlənilir. Bu post almaniyalı Bernd Ştorkun cari seçmə mərhələdə uğursuz nəticəyə görə istefaya göndərilməsindən sonra boş qalıb. Bir il öncə “Tobol”a rəhbərlik edən Sabitov “Aktobe”nin hegemonluğuna son qoyaraq, komandanı tarixində ilk dəfə çempion etdi. Nəticədə “Tobol” gələn ilin yanvarında Bakının “İnter” klubunun qatılacağı “Birlik kuboku”nda, yayda isə Çempionlar Liqasında debüt edəcək. Qazaxıstan yığmasının baş məşqçi postuna digər namizəd isə Xolqer Foxdur. Almaniyalı mütəxəssis Astananın “Lokomotiv” klubunu çalışdırır.
Qeyd edək ki, yığmamız Qazaxıstanla səfər görüşünü gələn ilin iyunun 3-də, ev oyununu sentyabrın 6-da keçirəcək.

• Bakı ilk dəfə “D-8” Gənclər Dialoquna ev sahibliyi edir
• Elmira Aslanova Antarktidanın ən yüksək zirvəsini fəth edib
• Azərbaycan ilk dəfə parabadminton üzrə dünya çempionatında iki kateqoriyada təmsil olunacaq
• Azərbaycan Qran-prisi üçün erkən bilet satışına start verilib
• Azərbaycanlı pilot "Formula 4" komandalarından təklif alıb