Almaniyanın Düsseldorf şəhərində keçirilən cüdo üzrə Qran-Pri turnirinə yekun vurulub. Apasport.az saytının məlumatına görə, London-2012-yə lisenziya xalları verən yarışa 10 idmançı ilə qatılan Azərbaycan yığmasının qazancı 1 bürünc medal olub.

Ağayar Axundzadənin yetirmələrindən yalnız Elnur Məmmədli fəxri kürsüdə yer almağı bacarıb. İlk 3 görüşdə isveçrəli Kristof Kelleri, fransalı Alaini Smitt və mərakeşli Safoua Attafı məğlub edən Olimpiya çempionumuzun finala gedən yolunu Murad Xabaçirov (Rusiya) kəsib. Nəticədə yarımfinalda uduzan Məmmədli bürünc medal və 80 lisenziya xalına sahib olub. Onunla yanaşı, Qran-pri turnirini 5-ci yerdə başa vuran Tərlan Kərimov (66 kq), Elxan Məmmədov (90 kq) və Kifayət Qasımova (57 kq) aktivlərinə 40 xal əlavə ediblər.

Qeyd edək ki, yığmamız 68 ölkənin cüdoçularının mübarizə apardığı turnirdə komanda hesabında 21-ci yeri tutub.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb