ABŞ-ın Ohayo ştatının Kolambus şəhərində keçirilən “Arnold Classic” turnirinin qalibləri müəyyənləşib. Apasport.az saytının məlumatına görə, yarışda iştirak edən bodibildinqçilərimizdən Vüqar Verdiyev (85 kq) bu mötəbər yarışın bürünc mükafatını qazanıb.

Bu, yarışda ilk dəfə iştirak edən Azərbaycan yığması üçün böyük nailiyyətdir. Çünki turnir əhəmiyyətinə görə bodibildinq üzrə dünya çempionatından daha üstündür və yalnız “Mister Olimpiya” turnirindən geri qalır.

Qeyd edək ki, “Arnold Classic” kişi turniri ənənəvi olaraq Kaliforniya ştatının eks-qubernatoru Arnold Şvartsneqqer və onun biznes portnyoru Cim Lorimer tərəfindən keçirilir. İlk dəfə “Arnold Classic” turniri 1989-cu ilin martın 11-də təşkil edilib.

Əlibəy ZEYNALLI

• Azərbaycanda ilk dəfə paraüzgüçülük üzrə ölkə çempionatı keçiriləcək
• Kamandan oxatma üzrə Bakı şəhər kubokunun II mərhələsi keçiriləcək
• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib