“Baku Fires” boks klubu WSB liqasında qrup mərhələsində sonuncu görüşünü martın 19-da “Beijing Dragons”a qarşı keçirəcək. Boks Federasiyasından apasport.az saytına verilən məlumata görə, “Sərhədçi” Olimpiya Mərkəzində qarşılaşacaq hər iki komandanın heyəti məlumdur.

Bu görüşdə komandamızın heyətində qaydasız döyüş yarışlarında dünyaca məşhur Sergey Xaritonov (+91) debüt edəcək. Onun rəqibi qanalı boksçu Avusone Yekeni olacaq. Digər idmançılarımızın rəqibləri isə çin boksçularıdır.

54 kq
Məhəmməd Əbdülhəmidov (Baku Fires) – He Jivei (Beijing Dragons)

61 kq
Semyon Qrivaçyov – Fanq Lei

73 kq
Məhəmməd Nuridinov – Liu Vei

85 kq
Ramazan Məhəmmədov – Janq Vei

+91 kq
Sergey Xaritonov – Avusone Yekeni

Qeyd edək ki, indiyədək “Baku Fires” və “Beijing Dragons” klubları 3 dəfə qarşılaşıb və bütün görüşlərdə komandamız qələbə qazanıb. “Baku Fires” 28 xalla qrupun lideridir. 26 xalı olan “Astana Arlans” 2-ci pillədədir.

Komandamız qrup mərhələsinin son görüşündə Çin klubunu üstələsə, 1-ci yeri özünə təmin edəcək. “Astana Arlans” isə ən yaxşı nəticəyə malik 2-ci komanda kimi yarımfinala çıxa biləcək.

• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib
• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar