Türkiyənin Antalya şəhərində keçirilən paralimpiyaçılar arasında Dünya Oyunlarında Azərbaycan yığması daha 1 medal qazanıb. Apasport.az saytının məlumatına görə, bu dəfə cüdoçumuz fəxri kürsüdə yer alıb.
Belə ki, 60 kq çəki dərəcəsində çıxış edən Ramin İbrahimov yarışı bürünc medalla başa vurub. Onunla eyni çəkidə mübarizə aparan Nurlan İbrahimov isə ilk döyüşünü uduzduğundan, iştirakını vaxtından əvvəl dayandırıb.

66 kq çəkidə Bayram Mustafayev isə yarımfinala yüksəlsə də, bu mərhələdə döyüşdən imtina edib. Buna səbəb onun zədə alması olub. Nəticədə həmyerlimiz 5-ci yerlə kifayətlənib. Bu çəkidə dərəcəsində İlkin Alışov 7-ci yeri tutub.

Qeyd edək ki, İbrahimovdan öncə Vladimir Zayets qızıl, Oleq Pantyutin isə gümüş medala sahib olmuşdu. Digər idmançılarımız isə yarışda çıxışlarını davam etdirirlər.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”