“Görüşdə vəzir qambiti alındı. Bu isə yetərincə məşhur başlanğıc idi”. Apasport.az saytının məlumatına görə, bunu Kazanda dünya şahmat tacına iddiaçıların görüşündə 1/4 final mərhələsinin ilk matçında Vladimir Kramniklə (Rusiya) heç-heçə edən Azərbaycan yığmasının lideri Teymur Rəcəbov deyib.

O, ilk görüşdə qeydə alınan nəticəni qanuna uyğun sayır: “Kramniklə qarşılaşmada fikrə daldığım anlar da oldu. Buna baxmayaraq, sakit oynamağa çalışdım. Sonda isə ağlardan nəsə gözləməyə dəyməzdi və hesab qanunauyğun oldu”.

Rusiyaya məşqçisiz yollanan Rəcəbov KİV nümayəndələrinə bunun da sirrini açıb: “Sadəcə istəyirəm ki, mənə mane olmasınlar. Uzun gedən oyunlarda kimisə otaqda bağlamaq yaxşı olardı ki, səni debütə hazırlasın. Qısa müddətli matçlarda isə buna ehtiyac duymuram. Bu zaman müvəffəqiyyətin digər komponentləri ön plana çıxır”.

Qeyd edək ki, Rəcəbov bu gün sabiq dünya çempionu Vladimirə qarşı qara fiqurlarla oynayacaq.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"