Avro-2012-nin seçmə mərhələsi çərçivəsində Almaniya milli komandasının Bakıda Azərbaycan yığmasına qarşı oynadığı heyət tarixə düşüb. Apasport.az saytının məlumatına görə, Tofiq Bəhramov adına Respublika stadionunda Berti Foqtsun yetirmələrinə 3:1 hesabı ilə qalib gələn Bundestimin start heyətinin orta yaş həddi cəmi 23 olub.

Bu amili xüsusilə qeyd edən ekspertlər Almaniya yığmasının məhz gənc heyətə malik olmasını üstünlük sayırlar. Maraqlıdır ki, baş məşqçi Yoahim Lövün II hissədə meydana buraxdığı hər 3 futbolçu da gənc olub. Bütün bunları nəzərə alan mütəxəssislər Almaniya millisini artıq indidən nəinki Avro-2012-nin qalibi olmağa, bundan sonrakı beynəlxalq turnirlərin də əsas favoriti sayır.

Qeyd edək ki, Almaniya yığması qrup mərhələsində keçirdiyi 7 görüşün hamısını qələbə ilə başa vurub.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!