İyulun 15-27-də şahmat üzrə kişilər arasında keçiriləcək dünya çempionatında iştirak edəcək Azərbaycan milli komandasının heyəti açıqlanıb. Apasport.az saytının məlumatına görə, yığmamızın baş məşqçisi Vladimir Tukmakov uzun fasilədən sonra Vüqar Həşimovu komandaya qaytarıb.

Ukraynalı mütəxəssis Həşimova II lövhədə yer verib. I lövhə Şəhriyar Məmmədyarova həvalə edilib. Teymur Rəcəbov isə mundialda III lövhədə rəqiblərini sınağa çəkəcək.

Son lövhədə ölkəmizi Rauf Məmmədov təmsil edəcək. Qədir Hüseynov isə ehtiyatda oyunçu olacaq.

Qeyd edək ki, dünya çempionatında Çin, Rusiya, Azərbaycan, Ermənistan, Ukrayna, İsrail, Macarıstan, Hindistan, ABŞ və Misir komandaları qüvvələrini sınayacaqlar. Bu yarış isə Azərbaycan yığmasının baş məşqçisi Tukmakov üçün ilk ciddi sınaq olacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!