“Bolqarıstan mətbuatı çox şey yaza bilər. Onların yazdıqları düzgün deyil”. Bu sözləri apasport.az saytına açıqlamasında Azərbaycan Ağır Atletika Federasiyasının icraçı-direktoru İsgəndər Əsgərov deyib.

Federasiya rəsmisi Bolqarıstanın qadınlar yığmasının baş məşqçisi Kristiyana Kolevanın müsahibəsinə münasibət bildirib. Əsgərov bildirib ki, onun dedikləri hamısı yalandır: “Bu mütəxəssis çox şey deyə və bolqarlar da onu yaza bilərlər. Lakin biz hələ nə Rumyana Petkova ilə müqaviləni pozmuşuq, nə Boyanka Kostovanı heyətimizə qatmışıq. Çünki milli komanda istirahətdədir. Federasiyamız heç bir rəsmi qərar verməyib. Bütün bu məsələlərə məzuniyyət başa çatdıqda – avqustun əvvəlində aydınlıq gələcək”.

Qeyd edək ki, Koleva qızı Petkovanın Boyanka Kostovanın Azərbaycan yığmasına cəlb edilməsindən sonra Bakı ilə vidalaşdığını deyib. O, ölkəmizdə bəzi bolqarıstanlı legionerlərin və hətta baş məşqçinin də vəziyyətinin yaxşı olmadığını vurğulayıb.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub