Estoniyanın paytaxtı Tallində kişilər arasında keçirilən cüdo üzrə Dünya Kubokuna yekun vurulub. Apasport.az saytının məlumatına görə, yarışda 12 idmançı ilə mübarizə aparan Azərbaycan milli komandası 3 medala sevinib.

Belə ki, yığmamızın liderlərindən İlqar Müşkiyev (60 kq) fəxri kürsünün ən yüksək pilləsinə qalxıb. Müşkiyevlə eyni çəkidə mübarizə aparan Nicat Şıxəlizadə isə 3-cü olub.

Komandamıza digər medalı Ramin Qurbanov (90 kq) qazandırıb. O, yalnız finalda məğlubiyyət acısı yaşayıb. Digər cüdoçumuz Tərlan Kərimov (66 kq) 5-ci yeri tutub.

Qeyd edək ki, London-2012-yə lisenziya xarakteri daşıyan Dünya Kubokunda yığmamız komanda hesabında II olub. Təmsilçilərimizi yalnız İtaliya millisi (2 qızıl, 2 bürünc) qabaqlayıb.

• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib