Türkiyənin paytaxtı Ankarada keçirilən boks üzrə Avropa çempionatında artıq bir idmançımızın medal alması rəsmiləşib. Apasport.az saytının məlumatına görə, 49 kq çəki dərəcəsində mübarizə aparan Salman Əlizadə 1/4 finalda fransalı Jeremi Bekkunu məğlub edərək, yarımfinala vəsiqə qazanıb.

İlk raundda rəqibindən daha üstün təsir bağışlayan həmyerlimiz 5 xallıq üstünlük əldə edib. Boksçumuz 2-ci hissədə təşəbbüsü əldən versə də, həlledici hissədə toparlanmağı bacarıb. Nəticədə, Əlizadə 26:19 hesabı ilə qalib gələrək ən azı bürünc medalı özünə təmin edib.

Gənclər arasında dünya çempionu olan Əlizadə finala gedən yolda İngiltərə komandasının üzvü Çarlz Edvardsla qarşılaşacaq. Edvards 1/4 finalda ispaniyalı Joze Kelvin Nieveni mübarizədən kənarlaşdırıb.

Qeyd edək ki, Heybətulla Hacəliyev (64 kq), Rahib Bəylərov (75 kq) və Teymur Məmmədov (91 kq) da mübarizəni davam etdirirlər. Onlar 1/4 final mərhələsinə kimi irəliləyiblər.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"