Boks üzrə Azərbaycan milli komandası 5 illik fasilədən sonra Avropa çempionatında medallarının sayını artırıb. Apasport.az saytının məlumatına görə, boksçularımızın sonuncu dəfə Avropa çempionatında uğuru 2006-cı ilə təsadüf edib.

Həmin vaxt Bolqarıstanın Plovdiv şəhərində keçirilən qitə çempionatında dəri əlcək ustalarımız 4 medal qazanıblar. Samir Məmmədov (51 kq), Şahin İmranov (57 kq), Rahib Bəylərov (75 kq) gümüş, Elçin Əlizadə (91 kq) isə bürünc medala yiyələnmişdi.

Ötən il Moskvada keçirilən Avropa çempionatında isə Elvin Məmişzadə gümüş mükafata sahib olmuşdu.

Qeyd edək ki, Ankarada keçirilən qitə çempionatında 3 boksçumuz - Salman Əlizadə (49 kq), Heybətulla Hacəliyev (64 kq) və Teymur Məmmədov (91 kq) yarımfinala yüksəlməklə, ən azı bürünc medalı özlərinə təmin ediblər.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"