“Belik Qalanovla döyüşüm Avropa çempionatında ən çətin görüş oldu. Rusiyalı boksçunun güclü və zəif tərəflərini bilirdim. 3-cü raundda rəqibin üzərimə gəlməsini gözləyərək, əks zərbələr endirdim”. Apasport.az saytının məlumatına görə, bunu boks üzrə Azərbaycan milli komandasının üzvü Salman Əlizadə deyib.

Ankarada keçirilən Avropa çempionatında bu gün qızıl medal qazanan boksçumuz ölkəmizə belə bir qələbə gətirdiyi üçün sevincli olduğunu bildirib: “Avropa çempionu olduğum üçün çox sevincliyəm. İnşallah, Bakıda keçirilən dünya çempionatında da qızıl medal qazanaraq, Olimpiya oyunlarına lisenziya qazanmağa çalışacam”.

Əlizadə 18 illik həsrətə son qoymasından xəbərdardır: “Bilirdim ki, sonuncu dəfə 1993-cü ildə Rövşən Hüseynov qitə çempionatında 1-ci olub. Bu uğuru təkrar etdiyim üçün çox şadam. Federasiya rəhbərliyinə və məşqçilərimə mənə hər zaman dəstək olduqları üçün təşəkkür edirəm”.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib