Tariximizdə yeni səhifə

Tariximizdə yeni səhifə - STATİSTİKA

24.06.2011 - 23:00

Boks üzrə Azərbaycan milli komandası Avropa çempionatlarında medalların əyarına görə tarixinin ən yaxşı nəticəsinə imza atıb. Apasport.az saytının məlumatına görə, yığmamız buna Türkiyənin paytaxtı Ankarada keçirilən qitə birinciliyində nail olub.

Belə ki, müstəqil ölkə kimi 10-cu dəfə Avropanın ən mötəbər yarışında iştirak edən millimiz 2 qızıl və 1 bürünc medal qazanmaqla yeni rekord müəyyənləşdirib. Buna kimi isə komandamızın yüksək göstəricisi 1993-cü ildə Bursada baş tutan çempionatda sahib olduğumuz 1 qızıl medal idi. Bu isə daha çox - 4 medal qazandığımız 2006-cı ildəki yarışdan üstün sayılırdı.

Qeyd edək ki, Azərbaycan boksçuları qatıldıqları 10 Avropa çempionatının 3-də fəxri kürsüyə yüksələ bilməyib.

Avropa çempionatındakı bütün mükafatçılarımız

İl	Keçirildiyi yer	Çəki dərəcəsi	idmançı	Medal
1993	Bursa (Türkiyə)	51 kq	Rövşən Hüseynov	Qızıl
2000	Tampere (Finlandiya)	81 kq	Əli İsmayılov	Bürünc
2002	Perm (Rusiya)	57 kq	Şahin İmranov	Gümüş
2004	Pula (Xorvatiya)	69 kq	Ruslan Xairov	Bürünc
		75 kq	Cavid Tağıyev	Bürünc
2006	Plovdiv (Bolqarıstan)	51 kq	Samir Məmmədov	Gümüş
		57 kq	Şahin İmranov	Gümüş
		75 kq	Rahib Bəylərov	Gümüş
		91 kq	Elçin Əlizadə	Bürünc
2010	Moskva (Rusiya)	48 kq	Elvin Məmişzadə	Gümüş
2011	Ankara (Türkiyə)	49 kq	Salman Əlizadə	Qızıl
		91 kq	Teymur Məmmədov	Qızıl
		64 kq	Heybətulla Hacəliyev	Bürünc

Yığmamızın Avropa çempionatındakı medalları

İl	Keçirildiyi yer	Qızıl	gümüş	Bürünc
1993	Bursa (Türkiyə)	1	-	-
1996	Vejle (Danimarka)	-	-	-
1998	Minsk (Belarus)	-	-	-
2000	Tampere (Finlandiya)	-	-	1
2002	Perm (Rusiya)	-	1	-
2004	Pula (Xorvatiya)	-	-	2
2006	Plovdiv (Bolqarıstan)	-	3	1
2008	Liverpul (İngiltərə)	-	-	-
2010	Moskva (Rusiya)	-	1	-
2011	Ankara (Türkiyə)	2	-	1
Cəmi		3	5	5