Maltanın Kottonera şəhərində yeniyetmə cüdoçular arasında keçirilən Avpora çempionatına yekun vurulub. Apasport.az saytının məlumatına görə, yarışa 12 idmançı ilə qatılan Azərbaycan milli komandası 5 medala sahib olub.

Cüdoçularımızdan ən yaxşı nəticəni İsgəndər Talışınski (55 kq) göstərib. O, finala kimi bütün rəqiblərini məğlub etsə də, həlledici döyüşdə məğlub olaraq gümüş medala yiyələnib. Elbrus Zamanov (55 kq), Rəşad Rufullayev (60 kq), Hüseyn Rəhimli (66 kq) və Füruddin Dadaşov (73 kq) isə fəxri kürsünün üçüncü pilləsinə qalxıblar.

Bu nəticə ilə yeniyetmə cüdoçularımız ümumi komanda hesabında (qızlar və oğlanlar) 37 ölkə arasında 12-ci, oğlanların yarışında isə 5-ci yeri tutublar.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib