Ukraynanın paytaxtı Kiyevdə keçirilən cüdo üzrə yeniyetmələr arasında dünya birinciliyinin ikinci gününü də Azərbaycan milli komandası medalla başa vurub. Apasport.az saytının məlumatına görə, tatamiyə çıxan 5 cüdoçümuzdan 2-si ilk “3-lüyə” düşməyi bacarıb.

Belə ki, həmyerlilərimizdən Rəşad Rufullayev (60 kq) və Hüseyn Rəhimli (66 kq) dünya çempionatının yarımfinalında məğlub olsalar da, təsəlliverici görüşlərdə qələbəyə seviniblər. Nəticədə onlar bürünc medallara sahib olaraq, komandamızın medal ehtiyatını artırıblar.

Qeyd edək ki, bununla da yarışda Azərbaycan yığmasının qazandığı medalların sayı 3-ə çatıb. Dünya çempionatının ilk günündə Sadıq Məhərrəmov (50 kq) üçüncü olmağı bacarmışdı. Mundialda bu gün daha 5 cüdoçümuz mübarizəyə qoşulacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM