Avqustun 21-28-də Polşada keçiriləcək ağır atletika üzrə Avropa birinciliyində iştirak edəcək Azərbaycan milli komandasının heyəti məlum olub. Apasport.az saytının məlumatına görə, yığmamız Çexanov şəhərində baş tutacaq yarışa 8 idmançı ilə yollanıb.

Polşada Xanlar Nəbiyevin rəhbərliyi altında Allahyar Abışov, Mansur Ağaverdiyev (hər ikisi 50 kq), Paşa İbrahimli (56 kq), Elxan Əliquluzadə (62 kq), Ceyhun Tağızadə (69 kq), Tofiq Allahverdiyev, Turan Abdullayev (hər ikisi 77 kq) və Nailxan Nəbiyev (85 kq) nəyə qadir olduqlarını nümayiş etdirəcəklər.

Qeyd edək ki, millimizin baş məşqçisi Nizami Paşayevin atası dünyasını dəyişdiyindən yığmanı səfərə Xanlar Nəbiyev aparıb. Komandamız artıq Polşadadır.

• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər