Albaniya milli komandası Azərbaycan yığması ilə yoldaşlıq görüşü öncəsi baş məşqçi haqda qərar çıxarıb. Apasport.az saytının məlumatına görə, Albaniya Futbol Assosiasiyası xorvatiyalı çalışdırıcıları Yosip Kuje ilə müqaviləni uzatmayacağını rəsmən bəyan edib. Qurumun prezidenti Armand Duka bildirib ki, Kuje ilə yeni müqaviləni imzalamamaqları onun qarşıda duran vəzifəni yerinə yetirməməyi ilə bağlıdır.

2009-cu ilin mayında yığmada Ari Haanı əvəzləyən Kuje bunadək Ruanda milli komandasının və Yaponiyanın “Yunayted İtixara” klubunun baş məşqçisi olub. O, ötən il insult keçirib və bir neçə oyunda Albaniya yığmasına rəhbərlik etməyib. Kuje ölkəmizdən müdafiəçilər – Admir Teli, Ansi Aqolli (hər ikisi “Qarabağ”), Elvin Beçiri (“Xəzər Lənkəran”) və yarımmüdafiəçi Ervin Bulkunu (AZAL) yığmaya çağırıb.

Qeyd edək ki, millimiz noyabrın 11-də Tiranada albanların qonağı olacaq.

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO