Azərbaycanın taekvondo üzrə milli komandası Xorvatiya açıq çempionatında (“Croatia open”) 5 medala sahib olub. Apasport.az saytının məlumatına görə, baş məşqçi Ələkbər İmaməliyevin rəhbərliyi altında Zaqrebə yollanan 14 taekvondoçumuzdan ikisi qızıl medal qazanıb.

London Olimpiadasına lisenziyanı təmin etmiş Fəridə Əzizova (67 kq) finalda Elin Johanssona (İsveç), Elvin Məmmədov (74 kq) isə Əlireza Əziziyə (İran) qalib gələrək, fəxri kürsünün ən yüksək pilləsinə qalxıblar.

Fariz Əliyev (68 kq) yalnız finalda Filip Qrqiçə (Xorvatiya) məğlub olaraq, turnirin gümüş medalçısı olub. Bundan başqa, Xəyalə Quliyeva (46 kq) və Təvəkkül Bayramov (+87 kq) bürünc qazanıblar.

Qeyd edək ki, taekvondoçumuz Elvin Məmmədov yarışın ən texnikalı döyüşçüsü adına layiq görülüb.

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub