Uşu-sanda üzrə keçirilən Gürcüstanın açıq kubokuna yekun vurulub. Apasport.az saytının məlumatına görə, yeniyetmələr arasında baş tutan yarışda Azərbaycan milli komandası da qüvvəsini sınayıb.

Səfərə 8 idmançı ilə yollanan yığmamız vətənə 7 medalla qayıdıb. Uşu-sandaçılarımızdan Hüseyn Hüseynov (25 kq), Sənan Abbasov (32 kq) və Abbas Vəliyev (60 kq) bütün rəqiblərinə qalib gələrək, fəxri kürsünün ən yüksək pilləsinə qalxıblar. Yalnız finalda uduzan Ceyhun Əbdülrəhmanov (35 kq) gümüş medala layiq görülüb. İdmançılarımızdan Əyyar İbadov (38 kq), İsmayıl Hüseynov (40) və Eldar Rüstəmov (45 kq) isə üçüncü yeri tutublar.

Qeyd edək ki, millimiz komanda hesabında 3-cü olub və turnirdə iştirak edən Ermənistan yığmasını qabaqlayıb. İlk 2 sırada isə Gürcüstan və İran milliləri yer alıblar.

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub