17 yaşlı kayakçımız 3 qızıl, 1 bürünc medal qazandı
10.11.2011 - 17:41
Akademik, kayak və kanoe qayıqlarında avarçəkmə üzrə Beynəlxalq “Mingəçevir Reqatası-2011”ə yekun vurulub. Milli Avarçəkmə Federasiyasının mətbuat xidmətindən apasport.az saytına verilən məlumata görə, Mingəçevir şəhərindəki “Kür” Olimpiya Mərkəzində təşkil olunmuş yarışda 5 ölkə mübarizə aparıb.
Azərbaycan idmançıları hər üç növ üzrə mübarizədə Türkiyə, Rusiya, Ukrayna və Gürcüstan təmsilçilərini geridə qoyublar. Ən çox medala Tamerlan Mustafayev layiq görülüb. 17 yaşlı idmançımız 1 nəfərlik qayıqla həm 18 yaşadək, həm də 23 yaşadək kayakçıların mübarizəsində 1000 metr məsafəyə yürüşdə 2 qızıl, 18 yaşadək kayakçıların mübarizəsində 500 metr məsafəyə yürüşdə 1 qızıl, 200 metr məsafəyə yürüşdə isə bürünc medal qazanıb.
2012-ci il London Yay Olimpiya Oyunlarına lisenziya qazanmış 3 kanoeçimiz və 2 akademik avarçəkənimiz də reqataya qatılıb. Kanoeçilərimizdən Sergey Bezuqlıy – Maksim Prokopenko dueti 2 nəfərlik qayıqla həm 500 metr, həm də 200 metr məsafələrə yürüşdə qızıl medala sahib olub. 3 qat dünya və 3 qat Avropa çempionumuz Valentin Demyanenko cəmi 1 medalla kifayətlənib. Onun Nikita Sablinlə təşkil etdiyi duet 200 metr məsafəyə yürüşdə gümüş medal qazanıb. 23 yaşadək kanoeçilərin 1 nəfərlik qayıqla 200 metr və 500 metr məsafəyə yürüşlərində Andrey Kraytor hamıdan üstün olub.
23 yaşadək kişi akademik avarçəkənlərin mübarizəsinə qatılan Aleksandr Aleksandrov 1 nəfərlik qayıqla, eləcə də onun Boris Yotovla təşkil etdiyi duet 2 nəfərlik qayıqla 1000 metr məsafəyə yürüşlərdə qızıl medala yiyələnib. Digər olimpiya lisenziyasının sahibi Nataliya Mustafayeva isə qadınların yarışında 1 nəfərlik qayıqla yürüşdə hamıdan üstün olub.
Azərbaycan idmançıları hər üç növ üzrə mübarizədə Türkiyə, Rusiya, Ukrayna və Gürcüstan təmsilçilərini geridə qoyublar. Ən çox medala Tamerlan Mustafayev layiq görülüb. 17 yaşlı idmançımız 1 nəfərlik qayıqla həm 18 yaşadək, həm də 23 yaşadək kayakçıların mübarizəsində 1000 metr məsafəyə yürüşdə 2 qızıl, 18 yaşadək kayakçıların mübarizəsində 500 metr məsafəyə yürüşdə 1 qızıl, 200 metr məsafəyə yürüşdə isə bürünc medal qazanıb.
2012-ci il London Yay Olimpiya Oyunlarına lisenziya qazanmış 3 kanoeçimiz və 2 akademik avarçəkənimiz də reqataya qatılıb. Kanoeçilərimizdən Sergey Bezuqlıy – Maksim Prokopenko dueti 2 nəfərlik qayıqla həm 500 metr, həm də 200 metr məsafələrə yürüşdə qızıl medala sahib olub. 3 qat dünya və 3 qat Avropa çempionumuz Valentin Demyanenko cəmi 1 medalla kifayətlənib. Onun Nikita Sablinlə təşkil etdiyi duet 200 metr məsafəyə yürüşdə gümüş medal qazanıb. 23 yaşadək kanoeçilərin 1 nəfərlik qayıqla 200 metr və 500 metr məsafəyə yürüşlərində Andrey Kraytor hamıdan üstün olub.
23 yaşadək kişi akademik avarçəkənlərin mübarizəsinə qatılan Aleksandr Aleksandrov 1 nəfərlik qayıqla, eləcə də onun Boris Yotovla təşkil etdiyi duet 2 nəfərlik qayıqla 1000 metr məsafəyə yürüşlərdə qızıl medala yiyələnib. Digər olimpiya lisenziyasının sahibi Nataliya Mustafayeva isə qadınların yarışında 1 nəfərlik qayıqla yürüşdə hamıdan üstün olub.
0
0
Oxşar xəbərlər
Ana səhifə
Bütün xəbərlər
Hesabım