Noyabrın 18-də Rusiyanın Tümen şəhərində 23 yaşadək gənclər arasında cüdo üzrə Avropa çempionatı start götürəcək. Apasport.az saytının məlumatına görə, üç gün davam edəcək qitə birinciliyində gənclərdən ibarət yığma komandanın məşqçisi Fərhad Məmmədovun rəhbərliyi altında ölkəmizi 9 cüdoçu təmsil edəcək.

Həmyerlilərimizdən Vüqar Şirinli, Orxan Səfərov (hər ikisi 60 kq), Sərxan Əhmədov, Dilqəm Əliyev (hər ikisi 66 kq), Rüstəm Orucov (73 kq), Rüstəm Alimli, Tural Səfquliyev (hər ikisi 81 kq), Şahin Qəhramanov (90 kq) və Turanə Seyidi (52 kq) Rusiyada nəyə qadir olduqlarını göstərəcəklər.
Qeyd edək ki, yarışda ölkəmizi beynəlxalq dərəcəli referi Valeh Məhərrəmov hakim qismində təmsil edəcək.

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub