Gürcüstanlı ağırlıqqaldıran Tornike Kokaya Azərbaycan milli komandasından kənarlaşdırılacaq. Bu haqda Lent.az-a yığmamızın Məşqçilər Şurasında yer alan Avropa və ikiqat dünya çempionu Nizami Paşayev açıqlama verib.

Paşayevin sözlərinə görə, Kokaya Fransanın paytaxtı Parisdə başa çatan dünya çempionatında çox zəif nəticə göstərib. O, 105 kq çəki dərəcəsində 19-cu yeri tutub. Gürcüstanlı legionerlə bağlı yekun qərarı Məşqçilər Şurası verəcək.

Qeyd edək ki, Tornike Kokaya ötən ilin oktyabrında da Azərbaycan yığmasından qovulmuşdu. Həmin vaxt səbəb kimi onun Türkiyənin Antalya şəhərində keçirilmiş dünya çempionatında zəif çıxış etməsi, başqa sözlə, 40 idmançı arasında 33-cü yeri tutması göstərilmişdi. Amma sonradan Kokaya millimizə qaytarılmışdı.

• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub