Hollandiyanın Veyk-an-Zee şəhərində keçirilən şahmat üzrə ənənəvi beynəlxalq turnirdə VII turun oyunları başa çatıb. Apasport.az saytının məlumatına görə, yarışda ölkəmizin idman şərəfini qoruyan Teymur Rəcəbovla (2773) Vüqar Həşimov (2761) yenə lövhədən 0,5 xalla ayrılıblar.

Rəcəbov qara fiqurlarla Hikaru Nakamuranı (ABŞ, 2759) sınağa çəkib və oyunda heç-heçə alınıb. Lakin Teymur xal itirməsinə baxmayaq, 3-cü pillədəki yerini qoruyub.
Həşimov isə düşdüyü “qara zolaq”dan çıxa bilmir. O, bu dəfə ağ fiqurlarla Fabiano Karuanaya (İtaliya, 2736) qarşı oynayıb və üstünlüyündən yararlanmayıb. Nəticədə Vüqar yenə 14 zəka sahibi arasında 13-cü pillədə qalıb.


VII tur
Sergey Karyakin (Rusiya, 2769) – Veselin Topalov (Bolqarıstan, 2770) - 1:0
Hikaru Nakamura (ABŞ, 2759) - Teymur Rəcəbov (2773) – 0,5:0,5
Maqnus Karlsen (Norveç, 2835) - Boris Gelfand (İsrail, 2739) – 1:0
Qata Kamski (ABŞ, 2732) - David Navara (Çexiya, 2712) – 1:0
Lyuk Van Veli (Hollandiya, 2692) - Aniş Qiri (Hollandiya, 2714) – 0,5:0,5
Vüqar Həşimov (2761) - Fabiano Karuana (İtaliya, 2736) – 0,5:0,5
Vasili İvançuk (Ukrayna, 2766) – Levon Aronyan (Ermənistan, 2805) – 0,5:0,5

7 turdan sonra turnir cədvəli: Aronyan, Karlsen – 5 xal; Rəcəbov – 4,5; İvançuk, Qiri, Nakamura, Karuana – 4; Van Veli – 3,5; Topalov, Karyakin, Kamski – 3; Gelfand – 2,5; Həşimov – 2; Navara – 1,5.

Qeyd edək ki, bu gün baş tutacaq VIII turda Rəcəbov Karlsenlə, Həşimov Qiri ilə qarşılaşacaq.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb