“Neftçi"nin makedoniyalı futbolçusu Slavço Georgiyevski iştirak etdikləri Çeçenistan Respublikasının ilk prezidenti Əhməd Kadırovun xatirəsinə həsr olunmuş beynəlxalq turnir haqda fikirlərini bildirib. Apasport.az-ın məlumatına görə, yarımmüdafiəçi klubunun rəsmi saytına açıqlamasında belə bir turnirə qatılmağın komandaları üçün əhəmiyyətli olduğunu bildirib. O, fikrini güclü komandalarla mübarizə aparacaqları ilə əsaslandırıb: “Avropanın müxtəlif ölkələrinin komandaları ilə oynamaq avrokubok görüşlərində köməyimizə gələcək. Düzdür, turnirin təqvimindən narazıyam. Ona görə ki, biz 24 saat ərzində 2 oyun keçirəcəyimiz halda rəqiblərin istirahət etməyə daha çox vaxtı olacaq. Məsələn, dünən ilk oyununu keçirən ikinci rəqibimiz Polşanın "Poloniya" klubu bizdən fərqli olaraq bu gün istirahət edib, sabah yenidən meydana çıxacaq. Çox istərdim ki, gələcəkdə belə qüsurlar aradan götürülsün".

• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub