Rusiyanın Kazan şəhərində taekvondo üzrə London Olimpiadasına son lisenziyaları verən Avropa Təsnifat Turnirinə yekun vurulub. Apasport.az saytının məlumatına görə, yarışa 2 taekvondoçu ilə qatılan Azərbaycan milli komandası Olimpiya Oyunlarına qazandığı vəsiqələrin sayını artıra bilməyib.

Belə ki, Təvəkkül Bayramov (+80 kq) ilk döyüşündə İvan Trajkoviçlə (Sloveniya) qarşılaşıb. Lakin o, bu dueldən qalib ayrıla bilməyib və turniri vaxtından əvvəl dayandırıb.

Digər taekvondoçumuz Günay Ağakişiyeva (57 kq) isə lisenziya uğrunda mübarizəyə Sonya Makkonellə (İrlandiya) döyüşlə başlayıb. Təmsilçimiz irlandiyalı idmançını məğlub etsə də, növbəti mərhələdə Marlen Harnoisə (Fransa) uduzub.

Beləliklə, taekvondo yığmamız London-2012-yə 2 idmançı ilə yollanacaq. Bunlar Bakıda baş tutan Dünya Təsnifat Turnirində Olimpiadaya lisenziya qazanan Ramin Əzizov (80 kq) və Fəridə Əzizovadır (67 kq).

• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub